दुर्घटनामा पुथा उत्तरगंगा गाउँपालिकाकी उपाध्यक्षको मृत्यु
२८ भदाै, काठमाडाैँ । बागलुङ गलकोट नगरपालिका वडा नं.२ घुङखानीमा गाडी दुर्घटना हुँदा गाउँपालिका उपाध्यक्षसहित ३ जनाको मृत्यु भएको छ ।
दुर्घटनामा रुकुमपुर्वको पुथा उत्तरगंगा गाउँपालिकाकी उपाध्यक्ष भूपेन्द्रा बुढामगरसहित ३ जनाको मृत्यु भएको जिल्ला प्रहरी कार्यालय बागलुङले जनाएको हो ।
उक्त गाडीमा गाउँपालिकाका कर्मचारीहरु पनि भएकाे बताइएकाे छ । रुकुम पूर्वका प्रमुख जिल्ला अधिकारी माधव शर्माका अनुसार गाउँपालिका उपाध्यक्ष भुपेन्द्रा बुढा काठमाडौँ आउनुभएकाे थियाे । काठमाडौँबाट फर्किने क्रममा उहाँ सवार गाडी बागलुङमा दुर्घटनामा परेकाे हाे ।
रा १ झ २०० नम्बरको सरकारी गाडी आज बिहान पौने ९ बजेतिर सडकबाट करिब ३ सय मिटर तल खसेको थियो । मृतक अन्य दुई जनाको सनाखत हुन सकेको छैन् ।
प्रकाशित मिति : २८ भाद्र २०८१, शुक्रबार ११:४४
