नेप्सेबाट थप ७ ब्रोकरले पाए सदस्यता, कुनले कति नम्बर पाए ?
१२ साउन, काठमाडाैं । नेपाल स्टक एक्सचेन्ज (नेप्से) ले थप ७ वटा ब्रोकरलाई निक्षेप सदस्यता दिएकाे छ । नेप्से आज थप ७ वटा कम्पनीलाई सदस्यतासँगै ब्रोकर नम्बर प्रदान गरेको हाे ।
आज ब्रोकर सदस्यता पाउनेमा एलिट स्टक हाउस लिमिटेड, इन्डेक्स सेक्युरिटिज लिमिटेड, इन्फिनिटी सेक्युरिटिज लिमिटेड, शुभकामना सेक्युरिटिज लिमिटेड, हातेमालो फाइनान्सियल सर्भिसेस प्रालि, मनि वल्ड शेयर एक्सचेन्ज प्रालि र कलश सेक्युरित्ज प्रालि रहेका छन् ।
जस अनुसार एलिट स्टक हाउस लिमिटेड ब्रोकर नम्बर ६८, इन्डेक्स सेक्युरिटिज लिमिटेड ब्रोकर नम्बर ६९, इन्फिनिटी सेक्युरिटिज लिमिटेड ब्रोकर नम्बर ७०, शुभकामना सेक्युरिटिज लिमिटेड ब्रोकर नम्बर ७१, हातेमालो फाइनान्सियल सर्भिसेस प्रालि ब्रोकर नम्बर ७२ , मनि वल्ड शेयर एक्सचेन्ज प्रालि ब्रोकर नम्बर ७३ र कलश सेक्युरिटिज प्रालि ब्रोकर नम्बर ७४ रहेका छन् । नेप्सेबाट सदस्यता पाएसँगै अब उनीहरू दोस्रो बजारमा कारोबार गर्न योग्य भएका छन्।
प्रकाशित मिति : १२ श्रावण २०८०, शुक्रबार १७:१२
