एडिलेडमा प्रेम कथामा आधारित `नाई नभन्नु ल ६ ´प्रदर्शन हुदै

एडिलेड । नेपाली प्रेम कथामा आधारित चलचित्र `नाई नभन्नु ल ६´ को प्रिमियर शो एडिलेडमा मे ६ शनिवार हुने भएको छ । शोस्थानिय मर्करी सिनेमा हलमा हुने इभेन्ट पाटनर बैदिकका निर्देशक ज्योतिष समेत रहेका प्रकाश गैर्हेले बताए ।

चलचित्रमा बालबालिकादेखि यूवापुस्ताको प्रेमकथा देखाइएको छ । नेपाली चलचित्रमा शृङ्खलाको सुरूआत गरेर सफल भएकोउदाहरण हो, ‘नाई नभन्नु ल’ । नव–नायक आर्शिवाद क्षेत्रीले आँचलसँगको प्रेम सम्बन्धका लागि गरेको त्याग, तपस्या र द्धन्द्धकोकथालाई देखाइएको छ । भुल्ने रोग (डिमेन्सिया) लाई आधार बनाएर तयार गरिएको चलचित्र ऋतु (आँचल शर्मा) को वरपर घुमेको छ। फिल्मको कथा विकासले सामिप्यराज तिमिल्सिना र अरुणदेवी जोशीद्वारा लिखित चलचित्रमा आँचल शर्मा, आर्शिवाद क्षेत्री, सरोजखनाल, प्रियंका कार्की, केकी अधिकारी, अनुभव रेग्मी लगायतका कलाकारको अभिनय रहेको छ । प्रेम सम्बन्धका लागि शिशिर(आशीर्वाद क्षत्री) ले गरेको त्याग, तपस्या र द्वन्द्व नै मुख्य कथा हो । ऋतुसँग शिशिरको भेट हुनु दुईबीच मायाप्रेम गाँसिनु र एउटा सानोदुर्घटनाका कारण सिर्जना हुने उतारचढाव नै विषयवस्तु हो ।

भुल्ने रोगका कारण ऋतुले आफ्नो सबै वर्तमान भुलेर विगतमा फर्कंदै जाँदा शिशिरसँगको प्रेम के होला ? यही जिज्ञासालाई कथामार्फतमेटाउन खोजिएको छ ।

सन्जय न्यौपाने, रमेश चौधरी, पुरुषोत्तम प्रधान कार्यकारी निर्माता रहेको फिल्ममा विकासराज आचार्य र बिष्णुमणी दाहाल निर्माताकोरुपमा छन् ।

हिमाल केसीको एक्सन निर्देशन, पुरुषोत्तम प्रधानको छायांकन, सन्देश शाहको सम्पादन, कविराज गहतराज र मनोज विश्वकर्माकोकोरियोग्राफी, भुपेन्द्र अधिकारी, बसन्त सापकोटा र शरद शंकरको संगीत छ ।