काठमाडाैँबाट रूकुम जाँदै गरेको बस त्रिशुलीमा खस्यो (यात्रुको विवरणसहित)
१९ कार्तिक, काठमाडाैँ । काठमाडाैँबाट रूकुम जाँदै गरेको बस त्रिशुली नदीमा खसेको छ । शनिबार राति ६ः३० बजे धादिङको बेनिघाट रोराङ गाउँपालिका-१० हुग्दिखोलाबाट बस त्रिशुली नदीको किनारमा खसेको प्रहरीले जनाएको छ ।
जिल्ला प्रहरी कार्यालय धादिङका डिएसपी श्यामबहादुर खत्रीका अनुसार बा ४ ख ५७९० नम्बरको बस सडकबाट २०० मिटर तल खसेको छ । उनका अनुसार दुर्घटनामा चालकसहित १९ जना घाइते छन् । बस त्रिशुली किनारमा उतानो परेको छ । घटनास्थलमा इलाका प्रहरी कार्यालय गजुरीबाट डिएसपीको कमान्डमा खटिएको प्रहरीले उद्धारको काम गरेको छ ।
प्रहरीका अनुसार घाइतेको विवरण यस्तो रहेको छ
-रूकुमको सानोभेरी गाउँपालिका- ३ बासिन्दा वर्ष ५० को नर बहादुर खड्का।
-रूकुमको पश्चिम आठबीसकोट गाउँपालिका-८ का बासिन्दा वर्ष ३४ का शिव बहादुर शाही।
-दोलखाको बैतेश्री गाउँपालिका- ८ का बासिन्दा वर्ष २१ का श्रीकृष्ण श्रेष्ठ।
-पश्चिम रूकुमको बाफिकोट गाउँपालिका- ९ बासिन्दा वर्ष ३६ का मदन बहादुर बिक।
-कञ्चनपुरका बासिन्दा वर्ष २४ का तेज बहादुर कठायत।
-धादिङको गल्छी गाउँपालिका- ८ मा बस्ने वर्ष २४ का बस चालक सुमन तामाङ।
-पूर्वी रूकुमको सिस्ने गाउँपालिका- ४ का बासिन्दा वर्ष १९ का भुवन केसी।
-रूकुमको भूमि गाउँपालिका- ५ मा बासिन्दा अन्दाजी २१ वर्षका मदन बुढामगर।
-कास्कीका बासिन्दा कृष्ण प्रसाद अधिकारी।
-सिरहा गोलबजार नगरपालिका- १३ का बासिन्दा वर्ष २२ का रमेश सिंह।
-बागलुङको निसाखोला गाउँपालिकाका बासिन्दा सविन छन्त्याल।
-रूकुमको चौरजहारी नगरपालिका-१ का बासिन्दा योगेश्रवर बिक।
-रूकुमको चौरजहारी नगरपालिका-१ का बासिन्दा प्रेम सिंह बोहोरा।
-रामेछापको मन्थली नगरपालिका-९ का बासिन्दा मिलन लामा।
-धादिङको गल्छफ गाउँपालिका- ८ का बासिन्दा रत्न तामाङ।
-काठमाडौंका बासिन्दा अनिष लामिछाने।
-बाराको करैयामाई गाउँपालिकाका बासिन्दा वर्ष २७ को प्रविण चौधरी।
-रौतहटको चन्द्रपुर नगरपालिका- २ की बासिन्दा वर्ष २६ की सिता मैनाली।
-दोलखाको कालिञ्चोक गाउँपालिका-९ का बासिन्दा वर्ष ३४ का अभिषेक खाँती।
प्रकाशित मिति : १९ कार्तिक २०७९, शनिबार २१:११
