लोग्नेको रिसले छोराको हत्या गर्ने महिला प्रहरी खोरमा

१९ भदाै, मोरङ । लोग्नेको रिसले छोराको हत्या गर्ने एक जना महिला प्रहरी खोरमा पुगेकी छिन । मोरङको कानेपोखरी गाउँपालिका ५ की २३ वर्षीय कल्पना दर्जी अाफ्नै छोराको हत्या अभियोगमा प्रहरी खोरमा परेकी हुन ।

उनले अाइतबार अाफ्नै  ६ वर्षीय छोरा रेशमलाई बाढी अाएको खोलामा धकेलेर हत्या गरेकी हुन । उनले स्थानीय चिसाङ खोलामा धकेलेर छोराको हत्या गरेकी हुन ।

पति श्याम दर्जीले किटानी जाहेरी दिएपछि प्रहरीले कल्पनालाई पक्राउ गरेर अनुसन्धान गरिरहेको मोरङ प्रहरी प्रमुख एसपी मनोजकुमार केसीले बताएका छन । प्रहरीका अनुसार कल्पनाले पतिको रिसले छोरालार्इ खोलामा धकेलेको बताएकी छिन ।