नुवाकाेटकाे विदुरमा पनि बन्याे नेवाः देय् दबू, १७ सदस्यीय नगर कमिटी चयन

११ फागुन, नुवाकाेट । नेवार समुदायको राष्ट्रिय संघठन नेवाः देय् दबू, नुवाकोटको विदुर नगर घोषणा सभा कार्यक्रम जिल्ला सभापति राम प्रसाद जोशीको सभापतित्व र नेवाः देय् दवु बाग्मती प्रदेश सदस्य नरेन्द्र प्रधानको आतिथ्यतामा विदुर नगरपालिका कमिटी गठन सम्पन्न भएको छ ।

उक्त सभाले सर्वसम्मत रुपमा अध्यक्ष विराटमान सिंह डंगोलको अध्यक्षतामा बरिष्ठ उपाध्यक्ष श्री महेन्द्र श्रेष्ठ, उपाध्यक्ष मनिषमान राजभण्डारी, सचिव सरोज श्रेष्ठ, कोषाध्यक्ष ज्ञानेश्वर अमात्य र सदस्यहरु प्रविन किशोर डंगोल, रमेश लाल श्रेष्ठ, नवराज श्रेष्ठ, पुष्प श्रेष्ठ, नविन चित्रकार, रामशरण श्रेष्ठ, सुरेन्द्र श्रेष्ठ, कृष्ण गोपाल श्रेष्ठ, सुरज लवट, रबिन श्रेष्ठ, कुमार श्रेष्ठ, प्रविण राज श्रेष्ठ गरी १७ सदस्यीय नगर कमिटी चयन गरेको हो ।

नेवारी समुदायको हकहित भाषा भेषभुषा कला संस्कृति, रितिरिवाजलाई जगेर्ना गर्नको लागि समिति गठन गरिएको नवनिर्वाचित अध्यक्ष डङ्गोलले बताए ।

जिल्ला अध्यक्ष तथा कार्यक्रमका सभापति राम प्रसाद जोशीले जिल्लामा भएका विभिन्न नेवारी संघ संगठनहरु भएता पनि सक्रिय रुपमा अगाडी बढ्न नसेकेको कारणले आगामी दिनहरुमा नुवाकोटका १२ वटै स्थानीय तहमा नेवाः दबुको विस्तार गर्दै लगिने र सबै संघ, संगठनहरुलाई सक्रिय रुपमा अगाडी बढाउनका लागि जिल्लाका पालिका कमिटीहरुको अहम भूमीका रहने बताए ।

सभामा बाग्मति प्रदेश सदस्य नरेन्द्र प्रधानले नेवारहरुको साझा राष्ट्रिय संगठन नेवाः देय् दबुको बांकेको नेपालगन्ज बिधान सभाले पारित गरेको बिधान अनुसार देशको सबै वडा, पालिका, जिल्ला र प्रदेश कमिटी गठन गर्ने क्रममा हामीले पनि जिल्लाका सबै वडा पालिकाको भेला अधिबेशन गरी नुवाकोटका नेवारहरुलाई संगठित गराई नेवारको हकहितको साथै भाषा संस्कृति र परम्पराको समरक्षण गर्दै जाने, नेपाल भाषा संरक्षणका लागि मात्रृभाषा पठनपाठनका लागि प्रदेश सरकारले गरेको निर्णयलाई जिल्लामा कार्यान्वयन गराउन भुमिका खेल्ने र यस्को लागि आज घोषणा भएको नगर कमिटीले बिसेस भुमिका खेल्ने छ र उक्त कार्यका लागि प्रदेशबाट हुन सक्ने सम्पूर्ण सहयोग गर्न तत्पर रहको कुरा ब्यक्त गरे ।