भुटानले दिएको ३ लाख डोज खोप काठमाडौँ आइपुग्यो
२२ साउन, काठमाडौँ । भुटानले दिएको कोभिड- १९ विरुद्धको एस्ट्राजेनेकाको तीन लाख डोज खोप काठमाडौँ आइपुगेको छ । भुटान सरकारले नेपाललाई सहयोग स्वरूप एस्ट्रजेनेकाको खोप उपलब्ध गराएको हो । शुक्रबार बिहान भुटानको डुक एयरको कार्गो विमान ९ : ४० बजे त्रिभुवन अन्तराष्ट्रिय विमानस्थल अवतरण गरेको हो।
भुटानबाट नेपालले प्राप्त गरेको एस्ट्राजेनेका खोप अब कोभिशिल्ड खोपको पहिलो मात्रा लगाएर दोस्रो मात्रा लगाउन बाँकी नागरिकहरूलाई दिइने स्वास्थ्य मन्त्रालयले जनाएको छ ।
प्रकाशित मिति : २२ श्रावण २०७८, शुक्रबार १२:३२