शान्ति सम्मेलनमा सहभागी हुन अध्यक्ष तिमिल्सिना स्पेन प्रस्थान

२३ चैत्र, काठमाडाैँ । स्पेनमा हुने लुम्बिनी गार्डेन प्रोजेक्टको शान्ति सम्मेलनमा सहभागी हुन राष्ट्रियसभा अध्यक्ष गणेशप्रसाद तिमिल्सिना त्यसतर्फ प्रस्थान गर्नुभएको छ । स्पेनको एक्सत्रेमदुरा प्रान्तको काथेरेस शहरमा हुने शान्ति सम्मेलनका लागि १० सदस्यीय नेपाली टोलीको नेतृत्व गर्दै अध्यक्ष तिमिल्सिना सोमबार बेलुका त्यसतर्फ प्रस्थान गर्नुभएको हो । यही अप्रिल ६ देखि १२ तारिकसम्म आयोजना हुने सम्मेलनको अध्यक्षतिमिल्सिनाद्वारा उद्घाटन गर्ने कार्यक्रम रहेको छ।