पछिल्लो २४ घण्टामा थप ७८२ संक्रमित थपिए, काेराेनाबाट १६ जनाको मृत्यु

३ पुस, काठमाडौँ ।  नेपालमा पछिल्लो २४ घण्टामा थप ७८२ जनामा कोरोना  संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ९ हजार ३१७ रहेको छ । योसँगै कोरोना संक्रमितको संख्या २ लाख ५२ हजार ४४७ पुगेको छ ।

पछिल्लो २४ घण्टामा थप १०२९ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख ४१ हजार ३९२ पुगेको छ । नेपालमा पछिल्लो २४ घण्टामा थप १६ जनाको कोरोना संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोना संक्रकणबाट मृत्यु हुनेकाे संख्या १७६५ पुगेको छ ।