नेपाली मारालाई नागरिक अभिनन्दन किन ? (गजल)
–शम्भुप्रसाद पुडासैनी
नेपाली मारालाई नागरिक अभिनन्दन किन ?
अधर्मीलाई पशुपती र जानकीको चन्दन किन ?
पटक पटक सीमा मिचिँदा बोल्दैन कोहि कतै
नाकाबन्दीको गर्नेलाई नेता हिरो भन्छ्न किन ?
सीमाको जनतामाथि दमन र बुट बजारेको छ
ज्यादतीको विरुद्ध बोल्न नेताहरु कन्छ्न किन ?
सरकार फेरिएपिछी दिल्ली मै हाजिर लाउनु पर्ने
आम जनतालाई चाहिँ सधै यस्तो बन्धन किन ?
स्वाभिमानी नेपालीहरुको सधै एउटै आवाज छ
लम्पसार नेताहरु बिदेशीको दादागिरी सहन्छ्न किन ?
हालः दक्षिण कोरिया ।
प्रकाशित मिति : २६ बैशाख २०७५, बुधबार १८:३९
