इंग्लिस प्रियिमर लिगमा टोटनह्यामको रोमाञ्चक जित
३० मंसिर, काठमाडौं । इंग्लिस प्रियिमर लिग फुटबलमा टोटनह्यामले रोमाञ्चक जित निकालेको छ । आइतबार राति भएको खेलमा टोटनह्यामले उल्भ्सलाई २-१ गोल अन्तरले पराजित गरेको हो ।
इन्जुरी समयमा जन वर्थोन्घेनले गोल गर्दा बराबरीमा सकिन लागेको खेलको नतिजा आफ्नो पक्षमा ल्याउन टोटनह्याम सफल भएको हो । कर्नरबाट आएको बललाई वर्थोन्घेनले हेडमार्फत गोलको दिशा दिएका थिए ।
टोटेनह्यामले आठौं मिनेटमा लुकास मौराको गोलबाट खेलमा अग्रता लिएको थियो । दोस्रो हाफमा एडमा ट्रारेले गोल गर्दै उल्भ्सलाई खेलमा फर्काएका थिए ।
टोटेनह्याम २६ अंकसहित तालिकाको पाँचौं स्थानमा उक्लियो । उल्भ्स २४ अंकसहित आठौं स्थानमा छ । –एजेन्सी
प्रकाशित मिति : ३० मंसिर २०७६, सोमबार ०७:४६
