गुण्डा नाइके बाघे काठमाडाैँकाे स्वयम्भूबाट पक्राउ

१ कात्तिक, काठमाडौँ । गुण्डा नाइके बाघे भनिने सुकबहादुर तामाङ पक्राउ परेका छन् । प्रहरीको महानगरीय अपराध महाशाखाले तामाङलाई स्वयम्भूबाट पक्राउ गरेको हाे । तामाङलाई शुक्रबार बालुवा बिक्रीमा ठगी अभियोगमा पक्राउ गरिएको महानगरीय अपराध महाशाखाका प्रमुख एसएसपी सहकुल थापाले बताए ।

तामाङ जेबिएस डिपोका सञ्चालक हुन् । यसअघि पनि तामाङ विभिन अपराधमा पक्राउ पर्दै छुट्दै आएका थिए । बाघेसहित दुई दर्जनभन्दा बढी बालुवा डिपोका सञ्चालकलाई स्वयम्भू, महाराजगन्ज र बालाजुबाट महाशाखाको टोलीले पक्राउ गरेको छ । पक्राउ परेकाहरुलाई पत्रकार सम्मेलन गरेर सार्वजनिक गर्ने तयारी रहेकाे प्रहरीले जनाएकाे छ ।