विपदमा मात्र हैन खुशीमा पनि सशस्त्र प्रहरीको साथ, दशैँका लागि देशका १३४ स्थानमा सशस्त्रको पिङ

१८ असोज, काठमाडाैँ । सशस्त्र प्रहरीले सर्वसधारणको खुशीका लागि देशका १३४ स्थानमा पिङ हालेको छ । बडा दशैँको अवसर पारेर सशस्त्र प्रहरीले देशका विभिन्न स्थानमा पिङ हालिदिएको हो । गाउँगाउँमा र ठाउँठाउँमा लिंगेपिङ हालेर रमाउने संस्कार भए पनि पछिल्लो समय विविध कारणले मानिसहरूले पिङ हाल्न नसकेको अवस्थामा संस्कृतिको निरन्तरताका लागि सशस्त्र प्रहरीले पिङ हालेको हो ।

सशस्त्रको नम्बर १ बराह बाहिनी मुख्यालय, सुनसरीले २४ वटा पिङ हालेको छ । यस्तै नम्बर २ छिन्नमस्ता बाहिनी मुख्यालय, महोत्तरीले २४ वटा, नम्बर ३ गढीमाई बाहिनी मुख्यालय, मकवानपुरले ११ वटा, नम्बर ४ मुक्तिनाथ बाहिनी मुख्यालय, कास्कीले ८ वटा पिङ हालेको छ ।

यसैगरी सशस्त्र प्रहरी बल, नेपाल नम्बर ५ विन्ध्यावासिनी बाहिनी मुख्यालय, रुपन्देहीले २६ वटा, सशस्त्र प्रहरी बल, नेपाल नम्बर ६ महेश्वरी बाहिनी मुख्यालय, सुर्खेतले ४ वटा, सशस्त्र प्रहरी बल, नेपाल नम्बर ७ बैद्यनाथ बाहिनी मुख्यालय, कैलालीले २५ वटा र सशस्त्र प्रहरी बल,
नेपाल नम्बर ९ पशुपतिनाथ बाहिनी मुख्यालय, काठमाडौंले १२ वटा पिङ हालेको छ ।