ताप्लेजुङमा भिर काट्ने क्रममा पहराे खसेर जेसिवीसहित चालक पुरिए

२४ चैत, ताप्लेजुङ। ताप्लेजुङमा सडक खन्ने क्रममा पहराे खस्दा ताप्लेजुङमा चालक सिन्धुलीका २५ बर्षीय वीरबहादुर तामाङ सहित जेसीबी मेसिनलाई नै पुरेको छ । ताप्लेजुङकाे सिरिजंघा गाउँपालिकाको ५ पेदाङमा भन्ने ठाउँमा दुर्घटना भएको जिल्ला प्रहरी कार्यालय ताप्लेजुङका प्रमुख संञ्जयसिंह थापाले बताए ।

आईतबार बिहान सडक खनिररहेका बेला भिर काट्ने क्रममा पहरा फुटेर आएको पहिरोले चालक र जेसीबी पुरिएको हाे । पहिरोमा परेको मेसिन पुर्णरुपमा पुरिएकोले चालकको अवस्थाबारे केही भन्न नसकिएको प्रहरी प्रमुख संञ्जयसिंह थापा बताएका छन् ।