सुनको मूल्यमा गिरावट, कतिमा हुँदैछ कारोबार ?

१५ भदौ, काठमाडौं ।  स्थानीय बजारमा सुनको मूल्य घटेको छ ।  आज सुन तोलामा २ हजार ४ सय रुपैयाँले घटेको हो । नेपाल सुनचाँदी ब्यवसायी महासंघका अनुसार आज सुन प्रतितोला तीन लाख छ हजार ६०० रुपैयाँमा कारोबार भइरहेको छ।

आइतबार छापावाल सुन प्रतितोला ३ लाख ९ हजार रुपैयाँमा कारोबार भएको थियो। यसैगरी, चाँदीको मूल्य भने स्थिर रहेको छ। सोमबार चाँदी प्रतितोला ४ हजार ७८० रुपैयाँमा कारोबार भइरहेको छ। आइतबार पनि चाँदीको मूल्य प्रतितोला ४ हजार ७८० रुपैयाँ नै थियो।