रिज लाइन इनर्जीको नाफा ९८ प्रतिशतले बढ्यो, विद्युत बिक्री आम्दानी कति ?

२८ साउन, काठमाडौं । रिज लाइन इनर्जी लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ।कम्पनीले गत आवको चौथो त्रैमाससम्म १४ करोड ४९ लाख रुपैयाँबराबरको खुद नाफा आर्जन गरेको छ । याे नाफा गत आवको साेही अवधिकाे तुलनामा ९८.०१ प्रतिशतले बढेको छ ।  अघिल्लो आवको सोही अवधिसम्म भने कम्पनीले ७ करोड ३२ लाख रुपैयाँबराबरको खुद नाफा कमाएको थियो ।

अघिल्लो आवमा २९ करोड ७५ लाख रुपैयाँबराबरको विद्युत बिक्री आम्दानी गरेको कम्पनीले समीक्षा अवधिमा भने ३३ करोड ७२ लाख रुपैयाँबराबरको विद्युत बिक्री आम्दानी गरेको छ । अघिल्लो आवमा १० करोड ९९ लाख रहेको कम्पनीको वित्त खर्च ६ करोड ९८ लाखमा सीमित बनेको छ । यस्तै कम्पनीको प्रशासनिक खर्च पनि ९९ लाख ८६ हजारबाट घटेर ८८ लाख ७५ हजार र कर्मचारी सुविधा खर्च १ करोड १९ लाखबाट घटेर ७० लाख ८४ हजारमा सीमित बनेको छ ।

१ अर्ब १८ करोड रुपैयाँबराबरको चुक्तापूँजी भएको कम्पनीको कुल चालु सम्पत्ति १३ करोड २२ लाख र कुल चालु दायित्व ४ करोड ९० लाख रहेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस) १२.२४ रुपैयाँ, प्रतिसेयर नेटवर्थ १२९.२० रुपैयाँ र मूल्य आम्दानी अनुपात ५८.२७ गुणा कायम भएको छ ।