बन्द झापा इनर्जीको विद्युत उत्पादन पुनः सुरु

२६ साउन, काठमाडौं । झापा इनर्जी लिमिटेडको विद्युत उत्पादन पुनः सुरु भएको छ । गत जेठमा इन्भर्टरमा आगलागी भई ५ मेगावाट विद्युत क्षमताको उत्पादन बन्द भएकोमा सोलाई मर्मत गरी पुनः उत्पादन सुचारु भएको हो ।

कम्पनीले झापाको शिवसताक्षीमा निर्माण गरी सञ्चालनमा रहेको १० मे.वा क्षमताको ग्रीडमा आवद्ध सौर्य विद्युत आयोजनामा जडित २ वटा ५ एमभीए क्षमताको इन्भर्टरमध्ये एउटा इन्भर्टरमा गत जेठ १८ गते आगलागी भएको थियो ।

आगलागी भई ५ मेगावाट विद्युत उत्पादन अवरुद्ध हुन पुगेकोमा मर्मत सम्भारको कार्य सम्पन्न गरी अहिले आयोजनाबाट जडित पूर्ण १० मेगावाट क्षमताको विद्युत उत्पादन सुरु भएको हो ।