घुस माग्ने कर्मचारीको गाला फुट्ने गरी झाप्पु हाने सम्मान पाइने
२२ पुस, सुनसरी । धरान उपमहानगरपालिकाले घुस माग्ने कर्मचारीको भिडियो खिचेर झापु हान्ने नागरिकलाई सम्मान गर्ने भएको छ । उपमहानगर पालिकाका प्रमुख हर्कराज राईले सोमबार अपरान्ह सामाजिक सञ्जाल मार्फत यस्तो घोषणा गर्नुभएको हो ।
उहाँले धरानभित्र कसैले घुस मागे भिडियो रेकर्ड गरेर गाला फुट्नेगरी झाप्पु हान्न उर्दी नै जारी गर्नुभएको छ । सामाजिक सञ्जाल मार्फत उहाँले जारी गर्नुभएको उर्दीमा भन्नुभएको छ, ‘अरु तिर के छ त्यो म भन्न सक्दिन तर धरानको हकमा कसैले घुस माग्छ भने मोबाइलमा रेकर्ड on गरेर गाला फुटिन्जेल झाप्पु हान्नु ! धरान डे धरान उत्सवमा फूलको माला सहित सम्मान पत्रले सम्मानित गर्नेछु !’
प्रकाशित मिति : २२ पुष २०८१, सोमबार १५:३१
