भारतीय विदेश सचिव र उपप्रधानमन्त्री सिंहबिच भेटवार्ता
२८ साउन, काठमाडौँ । उपप्रधान तथा सहरी विकास मन्त्री प्रकाशमान सिंहसँग भारतीय विदेश सचिव विक्रम मिस्रीले भेटवार्ता गर्नुभएकाकाे छ । दुई दिने नेपाल भ्रमणमा रहनुभएका सचिव मिस्री सिंहलाई भेट्न आज बिहान सिंहदरबार पुग्नुभएकाे हाे ।
भेटमा दुई देशबिचको सम्बन्ध, विकास सहकार्य लगायत विषयमा छलफल भएको बताइएको छ ।
यसअघि सचिव मिस्रीले साउनकाे अन्तिम साेमबार भएकाे कारण पनि बिहानै पशुपतिनाथ मन्दिरको दर्शन गर्न जानुभएकाे थियाे । पशुपति विकास कोषका पदाधिकारीहरूले वाहालाई स्वागत गरी पशुपति क्षेत्रको सांस्कृतिक सम्पदाबारे पुस्तक पनि उपहार दिइएको थियो ।
प्रकाशित मिति : २८ श्रावण २०८१, सोमबार ११:२२
