कुमारी बैंकले पनि घटायो ब्याजदर, कुन खातामा कति ?

२६ पुस, काठमाडाैं । कुमारी बैंकले पनि माघ महिनाका लागि नयाँ ब्याजदर प्रकाशित गरेको छ। बैंकले प्रकाशित गरेकाे सूचना अनुसार पुस महिनाको तुलनामा कुमारीले माघका लागि ब्याजदर घटाएकाे हाे ।

माघ १ गतेदेखि लागू हुने गरी प्रकाशित नयाँ ब्याजदरअनुसार  बैंकले माघ महिनामा व्यक्तिगत मुद्दति निक्षेपमा अधिकतममा ८.११ प्रतिशत ब्याज दिने भएको छ ।

कुमारी बैंकले व्यक्तिगत मुद्दतितर्फ ३ महिनादेखि ६ महिना अवधिको ब्याजदर ६.५० प्रतिशत तोकेको छ । यस्तै, ६ महिनादेखि १ वर्षसम्मको ब्याजदर ७.२५ प्रतिशत, १ वर्ष वा सोभन्दा बढी अवधिका लागि ८.११ प्रतिशत ब्याजदर तोकिएको छ ।

संस्थागततर्फ ६ महिनादेखि १ वर्ष अवधिको ब्याजदर ५.२५ प्रतिशत र एक वर्ष वा सोभन्दा बढी अवधिका लागि ६.११ प्रतिशत तोकिएको छ।पुस महिनामा व्यक्तिगत मुद्दति निक्षेपमा बैंकले अधिकतम ९.३१ प्रतिशत ब्याज दिएको थियो भने संस्थागत मुद्दतिमा ७.३१ प्रतिशत ब्याज दिइरहेको छ।