फुलेपनि काँस लज्जावती हुनै सक्दैन (गजल)
-सुदामा कृष्ण सुवेदी
त्यो आर्जन अहँ सम्पति हुनै सक्दैन
जब स्वयं खुसी भनेजती हुनै सक्दैन
म आफैले धेरै —गरेको छु भन्नुहोला
अरुले नदेखुन्जेल् प्रगती हुनै सक्दैन
गुणले हो महान् हुने रुपको त के कुरा
फुलेपनि काँस लज्जावती हुनै सक्दैन
एउटा कर्म र अर्को धर्ममा बिश्वास गर्ने
यी दुईजन बिच –सहमति हुनै सक्दैन
अग्निपरीक्षा पछि – रामले सीता त्यागे
यो भन्दा ठुलो –ज्यादति हुनै सक्दैन
रत्ननगर न पा १०, चितवन नेपाल
प्रकाशित मिति : २९ कार्तिक २०७५, बिहीबार १४:२९
