फेरि बढ्यो सुनकाे मूल्य, कति पुग्याे ताेलाकाे ?

२ चैत, काठमाडाैं । साताकाे पाचाैं काराेबारकाे दिन बिहीबार नेपाली बजारमा सुनको मूल्य बढेकाे छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १ हजार रुपैयाँले बढेर छापावाल सुन प्रतितोला १ लाख ६ हजार ७०० रुपैयाँ र तेजाबी सुन १ लाख ६ हजार २०० रुपैयाँमा काराेबार भएकाे छ।

बुधबार सुनको मूल्य स्थिर रहदै छापावाल सुन प्रतितोला १ लाख ५ हजार ७०० रुपैयाँ र तेजाबी सुन १ लाख ५ हजार २०० रुपैयाँमा किनबेच भएको थियो।

आज चाँदीको मूल्य तोलामा ५ रुपैयाँले बढेर १ हजार ३०५ रुपैयाँमा काराेबार भएको महासंघले जनाएकाे छ। बुधबार चाँदीको मूल्य स्थिर रहँदै १ हजार ३०० रुपैयाँमा किनबेच भएको थियो।