बढ्यो सुनको मूल्य, कतिमा हुँदै छ काराेबार ?

१८ फागुन, काठमाडाैं । साताकाे पाचाैं काराेबारकाे दिन बिहीबार नेपाली बजारमा सुनको मूल्य बढेकाे छ । नेपाल सुनचाँदी व्यवसायी महासंघका अनुसार आज सुनको मूल्य ताेलामा ३०० रुपैयाँले बढेर छापावाल सुन प्रतितोला १ लाख २ हजार ६०० रुपैयाँ र तेजाबी सुन प्रतितोला १ लाख २ हजार १०० रुपैयाँमा काराेबारभएकाेछ।

बुधबार सुनको मूल्य तोलाको ५०० रुपैयाँले बढेर छापावाल सुन प्रतितोला १ लाख २ हजार ३०० रुपैयाँ र तेजाबी सुन १ लाख १ हजार ८०० रुपैयाँमा कारोबार भएको थियो।

आज चाँदीको मूल्य भने स्थिर रहँदै तोलाका १ हजार २७० रुपैयाँमा काराेबार भएको छ। बुधबार चाँदीको मूल्य तोलामा १५ रुपैयाँले बढेर १ हजार २७० रुपैयाँमा कारोबार भएको थियो।