सुनसरीका शिक्षक हसिद अन्सारीको गोली हानी हत्या, सीमाका प्रहरीलार्इ पनि गोली हानियो
४ असोज, सुनसरी । सुनसरीमा एक शिक्षकको गोली हानी हत्या भएको छ । सुनसरीको भुताहामा भारतबाट आएको हतियारधारी समूहले विद्यालयका शिक्षक हसिद कुर्सित अन्सारीमाथि गोली प्रहार गरी हत्या गरेको हो । मोटरसाइकलमा अाएको हतियारधारी समूहले गोली हानी भागेको हो ।
सुनसरीका प्रमुख जिल्ला अधिकारी प्रेमप्रकाश उप्रेतीका अनुसार हतियारधारी समूहको गोली लागेर एक जना प्रहरी पनि घाइते भएका छन् । नेपाल-भारत सीमा नाकामा चेकजाँचमा बसेका प्रहरी टोलीलार्इ गोली हानेर उनीहरू भागेको उनले बताए । अहिले जिल्ला सम्पूर्ण नाकाहरु शिल गरिएको प्रहरीले जनाएको छ । उनीहरु चारै जना फरार छन् ।
प्रकाशित मिति : ४ आश्विन २०७५, बिहीबार १३:२२
