सूर्यविनायक नगरपालिकामा एमाले विजयी
५ जेठ, काठमाडाैँ । भक्तपुरको सूर्यविनायक नगरपालिकाको प्रमुखमा र उपप्रमुखमा नेकपा एमाले विजयी भएको छ । प्रमुखमा वासुदेव थापा विजयी भएका छन । उनले १४ हजार ७ सय ५८ मत प्राप्त गरे ।
थापाले निकटतम प्रतिद्वन्द्वी नेपाली कांग्रेस उम्मेदवार निशान ढुंगेललाई १ हजार ५२६ मतान्तरले पराजित गरे । पराजित ढुंगेलले १३ हजार २३२ मत प्राप्त गरेका छन ।
यस्तै उपप्रमुखमा एमालेकै सरिता भट्टराई तिमिल्सिना विजयी भइन । उनले १४ हजार ४ सय ९० मत प्राप्त गरिन । उनको निकटतम प्रतिद्वन्द्वी नेकपा एसका श्यामसुन्दर बस्नेतले ६ हजार ६ सय ६१ मत प्राप्त गरे ।
प्रकाशित मिति : ५ जेष्ठ २०७९, बिहीबार ०८:२१
