तुलसीपुरकाे चार तले घरमा आगलागी, घरभित्र मान्छे फसे
२८ माघ, दाङ । दाङको तुलसीपुरमा रहेको इरम फुटवेयर जुत्ताचप्पल पसलमा आगलागी भएको छ । बिहीबार राति करिब पौने २ बजेदेखि लागेको आगो अझै नियन्त्रणमा आउन सकेकाे छैन । चार तले घरमा आगलागी भएकाे हाे ।
तुलसीपुर उपमहागनरपालिका र घोराही उपमहानगरपालिकाको दमकल, प्रहरी, सशस्त्र प्रहरी, नेपाली सेना, स्थानीयबासीले आगाे नियन्त्रणकाे प्रयास गरिरहेका छन् । अहिले केही नियन्त्रणमा आएको भए पनि पूर्ण नियन्त्रणमा आउन सकेको छैन ।
विद्युत सर्ट भएर आगलागी भएको हुनसक्ने ईलाका प्रहरी कार्यालय तुलसीपुरका डिएसी श्यामु अर्यालले जानकारी दिए । आगलागी भएको घरभित्र केही मान्छे फसेका छन् । उनीहरुसँग सम्पर्क पनि हुन सकेको छैन । धुवाँ र तातोका कारण बाहिरबाट भित्र जान नसक्दा उनीहरुको उद्धार गर्न सकिएको छैन ।
प्रकाशित मिति : २८ माघ २०७८, शुक्रबार ०७:४८
