एकै दिन बैंकमा थपियो ५० अर्ब, तरलता ११५ अर्ब पुग्यो
४ साउन ,काठमाडौं । तरलता बढेर १ खर्ब १५ अर्ब रुपैयाँ पुगेको छ । नेपाल राष्ट्र बैंकले अनिवार्य नगद अनुपात सीआरआर सीमा घटाएपछि शुक्रबार एकै दिन बैंकिङ प्रणालीमा ५० अर्ब रुपैयाँ तरलता थप भएको छ ।
केन्द्रीय बैंकले ६० दिने निक्षेप उपकरणमार्फत प्रतिस्पर्धाबाट १५ अर्ब रुपैयाँ उठाउदै छ । बैंकले मौद्रिक नीतिमा बैंक तथा वित्तीय संस्थाको सीआरआर घटाएर ४ प्रतिशत कायम गरेपछि बैंकिङ प्रणालीमा तरलता बढेको राष्ट्र बैंकले जनाएको छ ।
बैंककाे तत्कालका लागि लगानीयोग्य पुँजीको समस्या समधान भएको छ । गत असारसम्म वाणिज्य बैंकले ६, विकास बैंक र वित्त कम्पनीले ५ प्रतिशत सीआरआर कायम गर्नु पर्ने व्यवस्था थियो ।
प्रकाशित मिति : ४ श्रावण २०७५, शुक्रबार १२:३७
