जर्मनीकी एन्जेलिकलाई विम्बल्डन टेनिसको उपाधि

३१ असार, काठमाडौं । जर्मनीकी एन्जेलिक केर्बेरले विम्बल्डन टेनिसको उपाधि जितेकी छिन् । शनिबार सेन्टर कोर्टमा भएको फाइनल खेलमा अमेरिकी सेरेना विलियम्सलाई हराउँदै केर्बेरले विम्बल्डन टेनिसको उपाधि जितेकी हुन ।

केर्बेरले सेरेनालाई ६–३ र ६–३ को सोझो सेटमा सहजै पराजित गरिन् । ३० वर्षीया केर्बेरको यो तेस्रो ग्राण्डस्लाम उपाधि हो । उनले यसअघि युएस ओपन र अष्ट्रेलियन ओपन जितेकी थिइन् ।