पछिल्लो २४ घण्टामा थपिए २५७१ कोरोना संक्रमित, १७९८ जना निकाे भएर घर फर्किए

२४ कात्तिक, काठमाडाैँ । पछिल्लो २४ घण्टामा थप २५७१  जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दैनिक स्थितिसूचक प्रतिवेदन सार्वजनिक गर्दै पछिल्लो २४ घण्टामा २५७१  जनामा कोरोना पुष्टि भएको जानकारी दिएको छ । योसँगै कोरोना संक्रमितको संख्या १ लाख ९७ हजार २४ पुगेको छ । हाल सक्रिय संक्रमितकाे संख्या ३६ हजार १७४ रहेकाे छ ।

पछिल्लो २४ घण्टामा थप १७९८ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ६९ हजार ७२४  पुगेको छ ।

नेपालमा पछिल्लो २४ घण्टामा थप १८  जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या ११२६  पुगेको छ ।