काठमाडौँ उपत्यकामा थपिए ८५९ कोरोना संक्रमित

२ असाेज, काठमाडौँ ।  काठमाडौँ उपत्यकामा पछिल्लो २४ घण्टामा थप ८५९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौँमा ६९८, ललितपुरमा ७९ र भक्तपुरमा ८२ जना गरी जम्मा ८५९ जना काेराेना संक्रमित थपिएका छन् । शुक्रबार अहिलेसम्मकै धेरै २०२० जना काेराेना संक्रमित थपिएएका छन् । २०२० जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता डा जागेश्वर गौतमले शुक्रबारकाे नियमित प्रेस ब्रिफिङमा जानकारी दिए । यससँगै देशमा हालसम्म कुल काेराेना संक्रमितकाे संख्या ६१ हजार ५९३ पुगेको उनले बताए ।

उनका अनुसार हाल देशभर सक्रिय संक्रमित १७ हजार ३८३ जना रहेका छन । २४ घण्टामा थप ८७१ जना कोरोना संक्रमण मुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ४३ हजार ८२० पुगेको छ । पछिल्लाे २४ घण्टामा काेराेनाबाट ७ जनाकाे मृत्यु भएकाे छ । याेसँगै काेराेनाबाट नेपालमा ज्यान गुमाउनेकाे संख्या ३९० पुगेकाे छ ।