हिजो आजको कुरामा ‘माया जदौ…’ (भिडियोसहित)

१३ फागुन, काठमाडौं । फिल्म ‘हिजो आजका कुरा’ को गीत सार्वजनिक भएको छ । ‘माया जदौ’ बोलको गीत युट्युबमार्फत सार्वजनिक गरिएको हो । सन्तोष पन्त्तको चर्चित टेलीशृङ्‍खला हिजो आजको कुरा नामलाई सापट लिँदै चलचित्र निर्माण गरिएको हो । यसको निर्देशन भने सन्तोषका पुत्र साकार पन्तले गरेका छन् ।

माया जदौमा रामकृष्ण ढकाल र मेलिना राईको स्वर सुन्न सकिन्छ । आनन्द अधिकारीले लेखेको गीतको संगीत भने दीपक शर्माले भरेका छन् ।

भिडियोमा पुराना कलाकारको अभिनय देख्‍न सकिन्छ । सन्तोष पन्तसँगै रमा थपलिया, मदनकृष्ण श्रेष्ठ, नीर शाह, मिथिला शर्मा, वसुन्धरा भुसाल, भुवन चन्द, धिरेन शाक्य, केकी अधिकारी, ऋचा शर्मा, रीमा विश्वकर्मा, केदार घिमिरे, दीपाश्री निरौला, जितु नेपाललगायत कलाकारको अभिनय छ ।