प्रबिन्दले निर्देशन गरेको ‘बन्दकी’ (भिडियोसहित)

१० फागुन, काठमाडौं । अस्ट्रेलिया बस्दै आएका निर्देशक प्रबिन्द काफ्लेको निर्देशनमा नयाँ म्युजिक भिडियो सार्वजनिक भएको छ ।

लामो समयको अन्तरालपछि काफ्ले भिडियो निर्देशनमा फर्किएका हुन । विभिन्न सन्देशमूलक छोटा फिल्म निर्देशन गरी अवार्डसमेत प्राप्त गर्न सफल काफ्लेले हालै बन्दकी बोलको गीतको भिडियो तयार पारेका हुन् ।

श्रीया नेपालले गाएको गीतको भिडियोको छयांकन उनले ब्रिसबेन, गोल्ड कस्टलगायत क्षेत्रमा गरेका हुन । अस्ट्रेलियामै रहेका प्रतिभा महर्जन र आर्यन अधिकारीले भिडियोमा अभिनय गरेका छन् ।

प्रकाश थापाले लेखेको गीत आशिक प्रजापतिले कम्पोज गरेका हुन् । निर्देशक काफ्लेले अस्ट्रेलियामै थप केहि गीतको भिडियो बनाउने तयारी गरिरहेका छन् । अस्ट्रेलियामा पनि नेपाली गीतसंगीतको विकास र प्रवर्द्धनमा समेत उनी संलग्न छन् ।