ईपीएल : म्यान्चेस्टरको जितमा सर्जियो नायक
८ माघ, काठमाडौं । इंग्लिस प्रिमियर लिग (ईपीएल) फुटबलमा म्यान्चेस्टर सिटीले सेफिल्ड युनाइटेडविरुद्ध १-० को जित आत्मसात् गरेको छ । म्यान्युको जितमा सर्जियो अग्युरो नायक बने ।
मंगलबार राति भएको खेलमा सिटीको जितका लागि सर्जियोले ७३औं मिनेटमा गरेको गोल नै निर्णायक बन्यो । लिगमा अग्युरोले सिटीका लागि पछिल्ला तीन खेलमा गरेको यो छैटौं गोल हो ।
घरेलु समर्थकको साथ पाएको सेफिल्डले पहिलो हाफमा सिटीका तर्फबाट ब्राजिलियन खेलाडी ग्याब्रियल जिससले गरेको पेनाल्टी प्रहार रोकेको थियो । तर दोस्रो हाफमा वैकल्पिक खेलाडीका रुपमा प्रवेश गरेका अग्युरोले गोल गर्दै सिटीको जित सुनिश्चित गरे ।
जितपछि सिटी शीर्ष स्थानको लिपरपुलसँग अंक दूरी ३ अंकले घटाएको छ । शीर्ष स्थानको लिभरपुलले सिटी भन्दा २ खेल कम खेल्दै ६४ अंक बनाएको छ । दोस्रो स्थानमा उक्लिएको सिटीले २४ खेलबाट ५१ अंक जोडेको छ ।
प्रकाशित मिति : ८ माघ २०७६, बुधबार ०८:१४
