दैनिकी

नुवाकोट क्याम्पसकाे भ्रष्टाचारः श्रेष्ठ र डांगोललाई कारबाहीको सिफारिस (प्रतिवेदनसहित)

–पवित्रा मुडभरी
२२ चैत, नुवाकोट । नुवाकोटको पुरानो नुवाकोट आदर्श बहुमुखी क्याम्पसमा व्यवस्थापन समितिका अध्यक्ष र क्यम्पस प्रमुखले अनियमितता गरेको पुष्टि भएको छ । क्याम्पसमा अार्थिक र शैक्षिक अनियमितता भएकाे अारोप लागेपछि गठित छानविन समितिले अनियमितता भएकाे पुष्टिसहित कारबाहीको सिफारिस गरेको छ ।

क्याम्पसका अध्यक्ष श्रीराम श्रेष्ठ र प्रमुख नारायणमान डंगोलले ठूलो आर्थिक तथा शैक्षिक घोटला गरेको भन्दै अनेरास्ववियु र अनेरास्ववियु क्रान्तिकारी आन्दोलित भएका थिए ।

**तस्बीरमा क्याम्पसका अध्यक्ष श्रीराम श्रेष्ठ र प्रमुख नारायणमान डंगोल ।**

विद्यार्थी संगठनको आन्दोलन रोक्नका लागि भूमिका निर्वाह गर्नुपर्ने क्याम्पस प्रशासन चुप लागेर बसेपछि विद्यार्थीहरुले क्याम्पसमा तोडफोड समेत गरेका थिए । क्याम्पसमा अराजक अवस्था उत्पन्न हुँदासम्म व्यवस्थापन र प्रशासन चुप रहेपछि क्याम्पसका संस्थापक अध्यक्ष बसन्तलाल श्रेष्ठ यही चैत १४ गते आर्थिक घोटलाको छानविनको माग गर्दै आमरण अनशनमा बसेका थिए ।

श्रेष्ठको अनशनकै दिन क्याम्पसले उनको माग अनुसर लिलानाथ न्यौपानेको संयोजकत्वमा छानविन समिति गठन गरेको थियो । उक्त छानविन समितिले अध्यक्ष श्रेष्ठ र प्रमुख डंगोलले अनियमिता गरेको ठहर गदै डंगोललाई बर्खास्त गर्न र श्रेष्ठलाई क्याम्पससभाको बैठक बोलाई कारबाही गर्न सिफारिस गरेको छ । छानविन प्रतिवेदन सार्वजनिक भएपछि दैनिकीसँग कुरा गर्दै अनेरास्ववियु क्याम्स कमिटीका अध्यक्ष विष्णुहरि रिमाल सत्यश्रीले छानविन प्रतिवेदेनले क्याम्पसकाे अनियमिततालार्इ उजागर गरेको भन्दै अध्यक्ष श्रेष्ठ र प्रमुख डंगोललार्इ कारबाहीको माग गरे ।

हेर्नुस छानविन समितिको प्रतिवेदन