रमेश प्रसाईंको कम्युनिस्ट भाष्य भन्ने शब्दमा पार्वती विकको नियमापत्ति

७ असोज, काठमाडौं । प्रतिनिधिसभामा ‘कम्युनिस्ट भाष्य’ भन्ने शब्दप्रति नियमापति भएको छ । सत्तारुढ दल राष्ट्रिय स्वतन्त्र पार्टी (रास्वपा)का सांसद रमेश प्रसाईंले बोलेको ‘कम्युनिस्ट भाष्य’ प्रति नेपाली कम्युनिस्ट पार्टीकी सांसद पार्वती विकले नियमापत्ति गरेकी छन् ।

प्रतिनिधि सभाको बुधबारको बैठकमा शून्य समयमा धारणा व्यक्त गर्दा प्रसाईंले प्रधानमन्त्रीको युएनको भ्रमण र भाषण कम्युनिस्ट भाष्य जस्तो नबनोस् भनेका थिए । सांसद प्रसाईंले प्रयोग गरेको ‘कम्युनिस्ट भाष्य’ भन्ने शब्दप्रति सांसद विकले नियमापति गरिन् । ‘कम्युनिस्ट भाष्य भन्ने शब्द वास्तवमा यो देशमा बस्ने मान्छेहरूले आफ्नो बिचार राख्न पाउनुपर्छ । हाम्रो संविधानले राजनीतिक दल खोल्न पाउने, बिचार अनुसार काम गर्न पाउनुपर्छ’ उनले भनिन्, ‘कम्युनिस्ट भाष्य भन्ने शब्द यति अपमानित रुपमा प्रयोग गरेकोमा यो संसद्को रेकर्डबाट हटाउन माग गर्दछु ।’