नेप्सेमा झिनो अंकको सुधार, कारोबार ३ अर्ब ६३ करोडमै सीमित

३ असार, काठमाडौं । साताको तेस्रो कारोबारकाे दिन बुधबार सेयर बजारमा झिनाे अंककाे सुधार आएको छ । बुधबार नेप्से परिसूचक ०.०८ अंकले बढेर २७०५.५३ को विन्दुमा पुगेको छ।

आज ३५२ कम्पनीको ८३ लाख ७५ हजार ४७१ कित्ता सेयर किनबेच हुँदा ३ अर्ब ६३ करोड ७५ लाख ५८ हजार रुपैयाँ बराबरको कारोबार भएको छ। आज १२५ कम्पनीको सेयरमूल्य बढ्दा १३२ कम्पनीको सेयरमूल्य घटेको छ । यस दिन १४ वटा कम्पनीको सेयर मूल्य स्थिर रहेको छ।

यस दिन दुई कम्पनीकाे सेयरमा सकारात्मक सर्किट लागेकाे छ । सोपान फर्मास्यूटिकल्स र एपोलो हाइड्रोपावरको सेयर मूल्यमा यस दिन सकारात्मक सर्किट लागेकाे हाे ।एनआरएन इन्फ्राइन्सटर कम्पनीको सर्वाधिक कारोबार भएको छ । आज कम्पनीको  २१ करोड १७ लाख ११ हजार रुपैयाँबराबरको  कारोबार भएको छ ।