मंगलबार आँखु खोलासहित यी कम्पनीका सेयरमा झुम्मिए लगानीकर्ता

१९ जेठ, काठमाडौं । साताको दोस्रो कारोबारको दिन मंगलबार सेयर बजारमा दोहोरो अंकको सुधार आएको छ । मंगलबार नेप्से परिसूचक २२.२१ अंकले बढेर २७७७.५८ को बिन्दुमा बन्द भएको छ । यस दिन १८४ कम्पनीको सेयर मूल्य बढेको छ भने ७७ कम्पनीको सेयर मूल्य घटेको छ । १० कम्पनीको सेयर मूल्य यस दिन स्थिर रहेको छ ।

आज ३४६ कम्पनीको १ करोड १३ लाख ८३ हजार कित्ता सेयर किनबेच हुँदा ५ अर्ब २६ करोड ३८ लाख रुपैयाँको कारोबार भएको हो । आज फाइनान्सको सेयर मूल्य सर्वाधिक बढेको छ । यसदिन फाइनान्स समूहको सेयर मूल्य ६.०३ प्रतिशतले बढेको हो । साथै, अन्य ११ कम्पनीको सेयर मूल्यमा सुधार आएको छ ।

आज आँखु खोला जलविद्युत कम्पनीको सर्वाधिक कारोबार भएको छ । कम्पनीको यस दिन ४६ करोड ७६ लाख ५८ हजार रुपैयाँबराबरको सेयर कारोबार भएको छ। त्यस्तै, यस दिन नेपाल पुनर्बीमा कम्पनीको साढे २६ करोड रुपैयाँभन्दा बढीको सेयर काराेबार भएकाे छ भने रिडी पावर कम्पनीको २६ करोड रुपैयाँ बढीकाे  कारोबार भएकाे छ ।