लुम्बिनी हेरिटेजले आईपीओ निष्कासन गर्ने
२९ चैत, काठमाडौं । लुम्बिनी हेरिटेज लिमिटेडले सर्वसाधारणमा आईपीओ निष्कासन गर्ने भएको छ । कम्पनीले आईपीओको प्रस्तावसहित पहिलो वार्षिक साधारण सभा बोलाएको छ ।
चैत २४ गते बसेको कम्पनीको सञ्चालक समितिको बैठकले आगामी वैशाख २० गते रुपन्देहीमा रहेको लुम्बिनी हेरिटेजमा बिहान साढे ११ बजेदेखि सभा आयोजना गर्ने निर्णय गरेको हो ।
सभाबाट आईपीओ निष्कासन गर्ने, सञ्चालक समितिबाट भएका निर्णयहरु अनुमोदन गर्ने र गत आवको वार्षिक प्रतिवेदन तथा वित्तीय विवरणहरु पारित गरिनेछ ।
प्रकाशित मिति : 09:23
