नेप्सेमा दोहोरो अंकको सुधार, ८ अर्ब ३१ करोडको कारोबार

२५ चैत, काठमाडौं । साताको चौथो कारोबार दिन सेयर बजारमा दोहोरो अंकको सुधार आएको छ । आज नेप्से परिसूचक ४५.१२ अंकले बढेर २८०२.५२ विन्दुमा पुगेको छ। आज ३४६ कम्पनीको १ करोड ८८ लाख १६ हजार कित्ता शेयर किनबेच हुँदा ८ अर्ब ३१ करोड ८९ लाख रुपैयाँको कारोबार भएको हो । बुधबार २५१ कम्पनीको सेयर मूल्य बढेको छ भने १५ कम्पनीको घटेको छ । २ कम्पनीको सेयर मूल्य भने स्थिर रहेको हो ।

यस दिन एसवाइ प्यानल नेपालको सेयर सर्वाधिक कारोबार भएको छ । आज कम्पनीको ४६ करोड ८१ लाख ८२ हजार रुपैँया बराबरको कारोबार भएको छ ।

आज ७ कम्पनीको सेयरमा सकारात्मक सर्किट लागेको छ। यस दिन रिलायन्स स्पिनिङ मिल्स, श्रीनगर एग्रिटेक, सोलु हाइड्रोपावर, होटल फरेस्ट इन, सुपर खुदी हाइड्रोपावर, रिज लाइन इनर्जी, सूर्यकुण्ड हाइड्रोको सेयरमा सकरात्मक सर्किट लागेको छ । श्वेत गंगा हाइड्रोपावर एण्ड कन्स्ट्रक्सनको शेयरमूल्य यस दिन सर्वाधिक ४.३५ प्रतिशत घटेको छ।