दुई कम्पनीको सेयरमा सकारात्मक सर्किट, कुनको मूल्य कति बढ्यो ?

१ चैत, काठमाडौं । साताको पहिलो कारोबारको दिन आइतबार सेयर बजारमा सामान्य अंकको सुधार आएको छ । आज नेप्स ४.४५ अंकले बढेर २८२४.९० को बिन्दुमा बन्द भएको छ । यस दिन १२४ कम्पनीको सेयर मूल्य बढेको छ भने १३० कम्पनीको मूल्य घटेको छ  । यस दिन ९ कम्पनीको मूल्य स्थिर रहेको छ ।

आज ३५० कम्पनीको ३ करोड ९५ लाख ४९ हजार कित्ता सेयर किनबेच हुँदा १४ अर्ब ३२ करोड ९६ लाख रुपैयाँको कारोबार भएको हो ।  यस दिन दुई कम्पनीकाे सेयरमा सकारात्मक सर्किट लागेकाे छ। यस दिन सोलु हाइड्रोपावर र सालपा विकास बैंकको सेयरमा सकारात्मक सर्किट लागेकाे हाे ।