नेप्सेमा ६ कम्पनीको बोनस सेयर सूचीकृत, कुनको कति ?

२९ फागुन, काठमाडौं । नेपाल स्टक एक्सचेन्ज (नेप्से) मा एकैदिन ६ कम्पनीका बोनस सेयर सूचीकृत भएकाे छ । नेप्सेमा सर्वोत्तम सिमेन्ट, सिक्लेस हाइड्रोपावर, छिमेक लघुवित्त वित्तीय संस्था, स्वावलम्बन लघुवित्त वित्तीय संस्था, स्वरोजगार लघुवित्त वित्तीय संस्था र सन नेपाल लाइफ इन्स्योरन्स बोनस सेयर सूचीकृत भएको हो ।

नेप्सेमा स्वावलम्बन लघुवित्त वित्तीय संस्थाकाे ५.६३६५ प्रतिशत बाेनस बापतकाे ९ लाख ३३ हजार ७५० कित्ता बोनस सेयर  सूचीकृत भएकाे हाे । त्यस्तै, सर्वोत्तम सिमेन्टकाे ५ प्रतिशत बाेनस बापतकाे २४ लाख ८७ हजार ७५० कित्ता बोनस सेयर सूचीकृत भएकाे हाे । सिक्लेस हाइड्रोपावर १५ प्रतिशत बापत १२ लाख ७५ हजार कित्ता बोनस सेयर, छिमेक लघुवित्त वित्तीय संस्थाकाे १२.५ प्रतिशत बापतकाे ४० लाख १९ हजार १८२.३३५ कित्ता बोनस सेयर, सन नेपाल लाइफ इन्स्योरन्सकाे ५ प्रतिशत बापतकाे २५ लाख १५ हजार ६१६ कित्ता बोनस सेयर र स्वरोजगार लघुवित्त वित्तीय संस्थाकाे १४.२५ प्रतिशत बापतकाे ११ लाख १७ हजार ९२.२७४३ कित्ता बोनस सेयर नेप्सेमा सूचीकृत भएकाे हाे ।