उदयपुर– १ मा रास्वपाका गेलाल विजयी
२४ फागुन, कटारी । उदयपुर–१ मा राष्ट्रिय स्वतन्त्र पार्टी (रास्वपा)का उम्मेदवार पारसमणि गेलाल ३० हजार ५९० मत प्राप्त गरी विजयी हुनुभएको छ ।
आफ्ना निकटतम प्रतिद्वन्द्वी श्रम संस्कृति पार्टीका उम्मेदवार राजेशकुमार राईलाई १८ हजार ९८४ मतान्तरसहित उहाँ निर्वाचित हुनुभएको निर्वाचन अधिकृतको कार्यालयले जनाएको छ ।
यसैगरी, नेपाली कम्युनिष्ट पार्टी (नेकपा)का बलदेव चौधरीले १० हजार २१ मत, नेपाली कांग्रेसका विदुर बस्नेतले नौ हजार ६७५ र नेकपा (एमाले)का दुर्गाकुमार थापाले नौ हजार २०६ प्राप्त गर्नुभएको थियो ।
प्रकाशित मिति : २४ फाल्गुन २०८२, आईतवार ११:४२
