आइजीआई प्रुडेन्सियल इन्स्योरेन्सको नयाँ भवन उद्घाटन

१४ फागुन, काठमाडौं । आइजीआई प्रुडेन्सियल इन्स्योेरेन्स लिमिटेडको नयाँ केन्द्रीय कार्यालय आइजिआइ कम्पेक्सको भव्य समारोहका बिच आज शुभारम्भ गरिएको छ । कम्पनीको संस्थागत सुदृढिकरण, सेवा विस्तार र प्रविधिमैत्री पूर्वाधार विकासको लक्ष्यलाई मुर्तरुप दिने उदेश्य सहित निर्माण गरिएको यस अत्याधुनिक भवनको संयुक्त रुपमा रिबन काटी उद्घाटन गरिएको छ ।

उक्त शुभअवसरमा कम्पनीका अध्यक्ष हेम राज ढकाल, नेपाल बीमा प्राधिकरणका कार्यकारी निर्देशक सुशिलदेव सुवेदी, नेपाल उद्योग वाणिज्य महासंघका अध्यक्ष तथा यस कम्पनीका संस्थापक शेयरधनी चन्द्र प्रसाद ढकाल तथा नेपाल बीमा प्राधिकरणका निवर्तमान अध्यक्ष, कम्पनीका संचालक समितिका पदाधिकारीद्धारा संयुक्त रुपमा रिबन काटी भवनको उद्घाटन गरिएको थियो ।

काठमाण्डौँ महानगरपालिका, वडा नम्बर ३, पानीपोखरी स्थित २ रोपनी ६ आना २ पैसा ३ दाम जग्गामा करिब ६० हजार वर्गफिटमा २ तल्ला पार्किङ्ग सहित १२ तल्लाको भव्य भवन रहेको छ ।

उद्घाटन समारोहलाई सम्बोधन गर्दै कम्पनीका अध्यक्ष ढकालले भवनले कम्पनीको आगामी रणनीतिक लक्ष्य, दिगो विकासको प्रतिवद्धता, ग्राहक केन्द्रीत सेवामा थप ऊर्जा प्रदान गर्ने, विश्वसनीयता, पारदर्शिता र नवप्रवद्र्धनमा आइजीआई पु्रडेन्सियलले सधैँ अग्रसर रहने बताए । समारोहमा ढकालले नवनिर्मित भवन आधुनिक डिजाइन, सुविधा सम्पन्न कार्यक्षेत्र, डिजिटल सेवा प्रणाली तथा सेवाग्राही मैत्री वातावरण सहित तयार गरिएको र यस मार्फत कम्पनीले छिटो, प्रभावकारी र विश्वसनीय बीमा सेवा प्रदान गर्ने लक्ष्य लिएको जानकारी दिनुभयाे ।

सोही अवसरमा नेपाल बीमा प्राधिकरणका निवर्तमान अध्यक्ष प्रो.डा. फत्तबहादुर के.सी.ले शुभकामना मन्तव्य व्यक्त गर्दै कम्पनीको यो विशाल प्रगती भएकोमा आफू हर्शित भएको र कम्पनीको उत्तरोक्तर प्रगतीको शुभकामना दिनुभयाे । सोही अवसरमा नेपाल बीमक संघका अध्यक्षद्धारा कम्पनीको यो स्तरको भवनले सम्पूर्ण बीमा क्षेत्रलाई नै गौरवान्वित बनाएको र बीमा क्षेत्रमा कम्पनीको आगामी दिन अझै प्रगतीउन्मुख रहोस भनि शुभकामना दिनुभयाे ।

उक्त अवसरमा चन्द्र प्रसाद ढकालले विगद ११ बर्षमा कम्पनीमा आएको परिवर्तन तथा आज यो आइजिआई कम्पेक्सको भवनको उद्ध्घाटनमा सरिक हुन पाउँदा गौरव महशुस भएको र इमान्दारीताका साथ काम गर्दा उन्नती अवश्य हुन्छ भनि कम्पनीलाई उदाहरणको रुपमा लिन सकिने बिचार व्यक्त गर्नुभयाे । साथै बीमा बजारको विस्तारको लागि नियामकीय निकायको ठूलो भुमिका रहनेछ भन्दै नेपाल बीमा प्राधिकरणले बीमा क्षेत्रको उन्नती र प्रगतीको लागि राम्रो अविभावकको रुपमा आफूलाई प्रस्तुत गर्ने विश्वास व्यक्त गर्नुभयाे।

उक्त समारोहमा नेपाल बीमा प्राधिकरणका कार्यकारी निर्देशक सुवेदीले बीमा क्षेत्रको नियामक निकायको तर्फबाट शुभकामना व्यक्त गर्दे आइजीआई पु्रडेन्सियल इन्स्योेरेन्सले बीमा क्षेत्रको विस्तार तथा जनविश्वास अभिवृद्धिमा उल्लेखिनीय योगदान पुर्‍याइरहेको र आउने दिनमा अझै थप ग्राहकहरुलाई सेवा विस्तार गरी यस क्षेत्रमा आफूलाई एक अब्बल कम्पनीको रुपमा स्थापित गर्नेछ भनि शुभकामना दिनुभयाे । उहाँले नयाँ संरचना तथा पूर्वाधारले सेवाको गुणस्तर र पहुँचमा सकारात्मक प्रभाव पार्ने धारणा राख्नुभयाे । साथै बीमालाई देश भित्र मात्र सिमिति नराखी अन्तराष्ट्रियकरण गर्न समेत प्राधिकणले पोलिसी बनाउनेछ भनि तयार रहन अनुरोध गर्नुभयाे ।

समारोहमा बीमा क्षेत्रका विशिष्ट व्यक्तित्वहरु, नेपाल बीमा प्राधिकरणका निवर्तमान अध्यक्षहरु, कम्पनीका संचालक समितिका पदाधिकारीहरु, संस्थापक शेयरधनीहरु, निवर्तमान संचालकहरु, नेपाल बीमक संघका अध्यक्ष तथा पदाधिकारीहरु, नेपाल जीवन बीमक संघका अध्यक्ष तथा पदाधिकारीहरु, नेपाल लघु बीमक संघका पदाधिकारीहरु, बैँक तथा वित्तीय संस्थाका प्रमुख कार्यकारी अधिकृत तथा प्रतिनिधिहरु, उद्योगी, व्यापारी, व्यावसायी, स्थानीय सरकारका प्रतिनिधीहरु, विभिन्न नियामकीय निकायका प्रतिनिधीहरु, कम्पनीका कर्मचारीहरु, पत्रकारहरु तथा सरोकारवालाहरुको उल्लेख्य उपस्थिती रहेको थियो ।

कम्पनीका प्रमुख कार्यकारी अधिकृत युगेशभक्त बादे श्रेष्टले हामीले केवल एउटा भवन उद्घाटन गरिरहेका छैनौँ, हामी हाम्रो प्रतिबद्धता, विश्वास र सेवा प्रतिको अटल समर्पणलाई नयाँ उचाइमा पुर्याउने संकल्पलाई उद्घोष गरिरहेका छौँ र यो भवन हाम्रो निरन्तर प्रगति, संस्थागत सुदृढिकरण र दीर्घकालीन दृष्टिकोणको प्रतीक रहेको बताउनुभयाे ।

उक्त अवसरमा श्रेष्ठले यस महत्वपूर्ण यात्रामा मार्गदर्शन गर्नुहुने सम्मानित अध्यक्षहरू, नियामक निकायहरु, संचालक समिति, व्यवस्थापन टिम तथा सम्पूर्ण कर्मचारी वर्गको अथक मेहनत बिना यो सम्भव हुने थिएन भन्दै सबै प्रति समर्पण र सहकार्यको लागि हार्दिक कृतज्ञता व्यक्त गरे । समारोहमा श्रेष्ठले भवन निर्माणको शुरुवात देखि आजको दिनसम्म आइपुग्दा आ(आफ्नो क्षेत्रबाट प्रत्यक्ष तथा परोक्षरुपमा सहयोग पुर्‍याउनु हुने सम्पूर्ण महानुभावहरु प्रति धन्यवाद व्यक्त गर्नुभयाे ।

अन्तमा, आइजीआई पु्रडेन्सियल इन्स्योेरेन्स लिमिटेडले स्थापना काल देखि नै ग्राहकको भरोसा, नवीन सेवा र सुदृढ व्यवस्थापन मार्फत नेपाली बीमा बजारमा आफ्नो विशिष्ट पहिचान बनाउँदै आएको कम्पीको भनाई छ । नयां भवनको शुभारम्भ सँगै कम्पनीले आगामी दिनमा अभै व्यापक जिम्मेवारी, पारदर्शिता तथा प्रविधिमा आधारित सेवा विस्तार गर्ने प्रतिवद्धता कम्पनीले गरेको सूचना अधिकृत शरण रेग्मीले बताउनुभयाे ।