नेपाली टेनिस क्लव अष्ट्रेलियाको साधारण सभा, अध्यक्षमा दिपेन्द्र गुरुङ

एडिलेड / साउथ अस्ट्रेलियाका नेपालीमुलका लन टेनिस खेलाडीको संस्था नेपाली टेनिस क्लब अस्ट्रेलियाको साधारण सभा सम्पन्न भएको छ ।

सभाले आगामी दुई वर्षका लागि दिपेन्द्र गुरुङको नेतृत्वमा नयाँ कार्यसमिति निर्वाचित गरेको छ।

यसैगरी नवगठित कार्यसमितिमा उपाध्यक्षमा नवीन कँडेल, सचिवमा बलराम भण्डारी, सह-सचिवमा भेष थापा, कोषाध्यक्षमा राजु के.सी. तथा जनसम्पर्क अधिकृतमा सुरेन्द्र रेग्मी निर्वाचित  हुनुभएको छ । भने सदस्यहरूमा उमेश बुढाथोकी, कुमार ढकाल, मोहन शाही, दीपेश कुँवर, सुदीप गुरुङ, रेशम गुरुङ, लोकेन्द्र गुरुङ, मोहन श्रेष्ठ, दिलिप तामाङ र नवीन काङवाङ रहनुभएको छ ।

नव निर्वाचित अध्यक्ष गुरुङले खेलकुद स्वस्थ जिवनका लागि महत्वपुर्ण भएको यसका अलावा खेलकुद मार्फत प्रवासमा नेपाली समुदाय विच भातृत्वको समेत विकास र विस्तार गर्ने क्लबको उददेश्य रहेको बताउनु भयो ।  उहाले टेनिस नेपालमा त्यति धेरै खेलिने खेल नभएको पनि टेनिस चाडै सिक्न सक्ने आफ्नो खेलको स्तर अनुसार खेल्न मिल्ने र घाउ चोटको संभावना पनि अरु खेलमा भन्दा निकै कम भएकाले पनि निर्धक्क भएर खेल्न सकिने भएकाले यहा रहेको नेपाली समुदायका लागि उपयोगी खेल भएको बताउनु भयो  ।

क्लबले नियमित सदस्यहरु विच नियमित अभ्यास, आन्तरिक र राज्य स्तरमा मैत्रीपूर्ण प्रतियोगिता सहित समुदायको हितकारी काम गर्दै आएको छ ।

यसै विच क्लबले आगामी तीन वर्षका लागि लोन सोलुसन लाई प्रमुख प्रायोजकका रूपमा चयन गरिएको सदस्य उमेश बुढाथोकीले बताउनु भयो ।