बीमा प्राधिकरणको सञ्चालक समिति अध्यक्षमा चन्द्रकला पौडेल
१२ माघ, काठमाडौं । सरकारले नेपाल बीमा प्राधिकरणको सञ्चालक समितिको अध्यक्षको जिम्मेवारी चन्द्रकला पौडेललाई दिएको छ । पौडेल संघीय मामिला तथा सामान्य प्रशासन मन्त्रालयमा सचिव पदमा कार्यरत हुनुहुन्थ्यो ।
सोमबार बसेको मन्त्रिपरिषद् बैठकले उहाँलाई सो जिम्मेवारी दिएको प्रवक्ता एवं गृहमन्त्री ओमप्रकाश अर्यालले जानकारी दिनुभयो ।पौडेललाई अर्को व्यवस्था नभएसम्मका लागि नेपाल बीमा प्राधिकरणको सञ्चालक समितिको अध्यक्ष पदमा कामकाज गर्नेगरी तोक्ने निर्णय भएको उहाँले बताउनुभयो ।
प्रकाशित मिति : १२ माघ २०८२, सोमबार १७:४५
