६ कम्पनीको सेयरमा सकारात्मक सर्किट, कुनको मूल्य कति बढ्यो ?

२१ पुस, काठमाडौं । साताको दोस्रो कारोबारको दिन सोमबार सेयर बजारमा सुधार आएको छ । यस दिन २८.७३ अंकले बढेर २६३९.३७ को विन्दुमा कायम भएको हो । सोमबार २१४ कम्पनीको सेयर मूल्य बढेको छ भने ३७ कम्पनीको घटेको छ । ८ कम्पनीको सेयर मूल्य स्थिर रहेको छ ।

यस दिन  ३३५ कम्पनीको १ करोड २४ लाख ५९ हजार ९५१ कित्ता सेयर किनबेच हुँदा ६ अर्ब ४७ करोड ३७ लाख ३६ हजार रुपैयाँको कारोबार भएको छ । आज ६ कम्पनीको सेयरमा सकारात्मक सर्किट लागेको छ । सागर डिस्टीलरी, एसवाइ प्यानल नेपाल, श्रीनगर एग्रिटेक, बन्दीपुर केवलकार, रुरु जलविद्युत परियोजना र बलेफी हाइड्रोपावरको सेयरमा सकारात्मक सर्किट लागेको हो ।