आज पनि बढ्यो सुनको मूल्य, कतिमा हुँदैछ कारोबार ?

१० मंसिर, काठमाडौँ । बुधबार पनि नेपाली बजारमा सुनको मूल्य बढेको छ ।  बुधबार स्थानिय बजारमा सुनको मूल्य तोलामा ९ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ४८ हजार ८ सयमा कारोबार भएको छ । मंगलबार छापावाल सुन प्रतितोला २ लाख ४७ हजार ९०० रुपैयाँ कायम भएको  थियाे ।

यसैबिच बुधबार चाँदीको मूल्य पनि बढेको छ । मंगलबार तोलामा ३ हजार २०० रुपैयाँ कायम भएको चाँदीको मूल्य बुधबार २० रुपैयाँले बढ्दै  ३ हजार २२० रुपैयाँ कायम भएको हो ।