राष्ट्रिय बीमा कम्पनीका नवनियुक्त अध्यक्ष निर्मल ढकालले लिए शपथ

१७ कात्तिक, काठमाडौं । सरकारी स्वामित्वको राष्ट्रिय बीमा कम्पनीका अध्यक्ष निर्मल ढकालले पद तथा गोपनियताको शपथ ग्रहण गर्नुभएको छ । आज प्राधिकरणको केन्द्रीय कार्यालय, कुपण्डोलमा नेपाल बीमा प्राधिकरणका अध्यक्ष जनक राज शर्माले समक्ष अध्यक्ष ढकालले पद तथा गोपनीयताको शपथ ग्रहण गर्नुभएको हो ।

कात्तिक १४ गतेको सरकारको निर्णय अनुसार सम्पत्ति शुद्धीकरण अनुसन्धान विभागका उपमहानिर्देशक रहनुभएका उहाँलाई राष्ट्रिय बीमा कम्पनी लिमिटेडको अध्यक्ष्य नियुक्त गरेको थियो ।

शपथ ग्रहण कार्यक्रममा नेपाल बीमा प्राधिकरणका निर्देशक कुन्दन सापकोटा र राष्ट्रिय बीमा कम्पनी लिमिटेडका प्रमुख कार्यकारी अधिकृत डा। शिवहरि श्रेष्ठ लगायत पदाधिकारीहरू उपस्थित रहेको थियो ।