नेपाल पुनर्बीमासहित यी कम्पनीको भयो सर्वाधिक कारोबार

९ कात्तिक, काठमाडौं । साताको पहिलो कारोबारको दिन आइतबार सेयर बजारमा सामान्य अंकको सुधार आएको छ । यस दिन नेप्से ५.१९ अंकले बढेर २५०९.०४ को बिन्दुमा बन्द भएको छ ।

यस दिन ३१३ कम्पनीको ५५ लाख ९६ हजार ७७ कित्ता सेयर किनबेच हुँदा २ अर्ब ६६ करोड १३ लाख ०२ हजार रुपैयाँको कारोबार भएको छ । आज नेपाल पुनर्बीमा कम्पनीको सर्वाधिक कारोबार भएको छ । कम्पनीको यस दिन ३२ करोड ४९ लाख रुपैयाँको कारोबार भएको छ । साथै, आइतबार युनियन हाइड्रोपावरको १८ करोड ७० लाख रुपैयाँ, हिमालयन पावर पार्टनरको १० करोड ४८ लाख रुपैयाँको कारोबार भएको छ ।