राष्ट्र बैंकले बढायो वालेटमा रकम जम्मा गर्ने सीमा

१० भदौ, काठमाडौं। नेपाल राष्ट्र बैंकले भुक्तानी सेवा प्रदायकहरुले सञ्चालन गरेका वालेटमा रकम जम्मा गर्ने सीमा ९संख्या० लाई अस्थायी रुपमा वृद्धि गरेको छ । राष्ट्र बैंकको भुक्तानी प्रणाली विभागले भुक्तानी सेवा प्रदायक संस्थाहरुका लागि परिपत्र जारी गर्दै वालेटमा रकम जम्मा गर्ने सीमा बढाइएको जनाएको हो ।

बडादशैं, तिहार र छठ जस्ता चाडपर्वलाई मध्यनजर गर्दै यस्तो सीमा बढाइएको उक्त परिपत्र उल्लेख छ । अब एक व्यक्तिले एक दिनमा बढीमा ४० पटकसम्म रकम जम्मा गर्न सकिने व्यवस्था गरिएको छ । यसअघि एक दिनमा एक व्यक्तिले बढीमा १० पटकसम्म रकम जम्मा गर्न सकिन्थ्यो ।

यो व्यवस्था असोज १३ गतेदेखि असोज २१ गतेसम्म र कात्तिक ३ गतेदेखि कात्तिक १० गतेसम्मका लागि लागू हुनेछ । उपरोक्त समयमा भएको कारोबारको संख्या र कारोबारको कुल रकम विभागलाई जानकारी गराउन सम्पूर्ण भुक्तानी सेवा प्रदायक संस्थाहरुलाई निर्देशन समेत दिइएको छ ।